Quen somos

Que é Tres Cantos?

Para os que non coñezan Tres Cantos, esta nova cidade da Comunidade de Maparques-01drid ten a súa orixe nun proxecto de principios dos anos 70, do século pasado! Empezou a ser habitada en 1982 e logrou a súa independencia de Colmenar Viejo, como municipio, en 1991. Está situada ao bordo da autovía de Madrid-Colmenar Viejo, ao norte de Madrid, a uns 20 km. da Porta do Sol. A súa poboación actual excede os 40.000 habitantes.

Tres Cantos caracterízase pola súa modernidade, as súas amplas avenidas e as súas zonas verdes. Está rodeada, en parte, por unha zona industrial limpa e un Parque Tecnolóxico. Polo oeste, limita co monte de Viñuelas.

Historia do Centro Galego de Tres Cantos

A nosa historia é curta. A principios do ano 2000, un grupo de galegos residentes en Tres Cantos, amigos e coñecidos, reunímonos un día para falar da posibilidade de formar un Centro Galego. Que perseguiamos? Simplemente coñecernos e falar da nosa terra. Pronto empezaron a xurdir ideas e proxectos. Non contabamos máis que con moita ilusión. Cada cal achegou o que puido para poñer en marcha o proxecto do Centro. Preparamos uns estatutos, fixamos unhas reunións semanais, establecemos as bases dunha organización e fixamos unhas cotas para empezar a funcionar.

O acta de constitucional asinouse o 19 de abril de 2000. Os Estatutos foron rexistrados pola Comunidad de Madrid o 23 de outubro de 2000, rexistrouse no Concello de Tres Cantos o 17 de novembro de 2000 e convocamos unha Asemblea Xeral Constituínte na que se nomeou unha Xunta Directiva, o 27 de xaneiro de 2001, cos votos de 50 Socios Fundadores.

Os fins que perseguimos

Os fins definidos polos Estatutos son agrupar a cantas persoas se atopen vinculadas a Galicia polo seu nacemento, natureza, ascendencia familiar, arraigamento ou simpatía, así como promover e cultivar os valores, o patrimonio cultural, histórico, artístico, folclórico e gastronómico de Galicia, dentro do ámbito tricantino.

Estatutos

Pola súa extensión, non transcribimos aquí os Estatutos nin o Regulamento de Réxime Interno do Centro Galego, pero podemos facelos chegar a quen nolo solicite por escrito ao Domicilio social do Centro.

Comparte esta información con....Share on Facebook
Facebook
Tweet about this on Twitter
Twitter
Email this to someone
email
Share on Google+
Google+