O Centro Galego de Tres Cantos estivo presente unha vez máis nas Xornadas Gastronómicas 2016 que se celebraron do 27 ao 29 de maio. Lacón, empanada, costela, pementos de Padrón e polbo directamente traido do Carballiño foron algúns dos pratos típicos que se puideron degustar na caseta do centro. O Centro Galego estivo acompañado doutras casas rexionais como a andaluza, aragonesa, asturiana, castelá leonesa ou saharauí.
Ademais, a instalación dunha pantalla xigante para poder ver a final da Champions League entre o Real Madrid e o Atlético de Madrid fixo que a carpa das xornadas gastronómicas se enchése o sábado noite e vibrase como nunca.
Entre outras actividades que levaron a cabo, o grupo Arde-llo Eixo ofreceu o domingo unha mostra da cultura galega, con ao redor dunha hora de música e baile galego.
Deixamos por aquí unha mostra fotográfica destas xornadas que se seguen realizando ano a ano grazas a todos os socios colaboradores.
