O Centro Galego de Tres Cantos celebra o día das Letras Galegas

O centro galego celebrou na mañá deste domingo 24 de abril o día das Letras Galegas, na praza do concello de Tres Cantos e coincidindo ca feira do libro que estivo estos días na Casa da Cultura. Este ano o homenaxeado era Manuel María, do que se leu a súa biografía e algúns dos seus poemas máis coñecidos. Ademáis, os asistentes puideron levar para as súas casas un marcapáxinas con un poema de Manuel María, en galego e traducido ó castelán tamén.

DSC04117

O acto contou ca actuación de gaita e baile do centro, Ardello Eixo. Cun descanso no medio, o grupo amenizou a mañá con case dúas horas de actuación, na que non faltaron muiñeiras, xotas e pasodobles. O centro montou tamén unha pequena barra para poder tomar un aperitivo nesta mañá soleada e, a carón, os nenos disfrutaron dun castillo hinchable e duns títeres.

 

Moitas gracias a todos pola vosa asistencia e gracias sobre todo a todos os que fixeron posible esta celebración das Letras Galegas en Tres Cantos.

Máis fotos no noso facebook 🙂

cartel ruada

“Galicia docemente
está ollando o mar:
ten vales e montañas
e terras pra labrar!

Ten portos, mariñeiros,
cidades e labregos
cargados de traballos,
cargados de trafegos!

Galicia é unha nai
velliña, soñadora:
na voz da gaita rise,
na voz da gaita chora!

Galicia é o que vemos:
a terra, o mar, o vento…
Pero hai outra Galicia
que vai no sentimento!

Galicia somos nós:
a xente e mais a fala.
Se buscas a Galicia
en ti tes que atopala!”

 

Manuel María, Os soños na Gaiola

Comparte esta información con....Share on Facebook
Facebook
Tweet about this on Twitter
Twitter
Email this to someone
email

Deixa un comentario

Este sitio emprega Akismet para reducir o spam. Aprende como se procesan os datos dos teus comentarios.